Шрифт ўлчами

  • A
  • A
  • A

Кўриниш

A
A
A

Ҳуқуқий маслаҳат - бепул, тезкор, ҳаммага!

Алимент тўлаш тўғрисида келишув

  • 8451 марта ўқилди

Алимент тўлаш тўғрисида келишув

Нотариал хизматнинг соддалаштирилган тавсифи:
Алимент тўлаш тўғрисидаги келишув (алимент миқдори, шартлари ва тўлаш тартиби) алимент тўлаши шарт бўлган шахс билан алимент олувчи ўртасида тузилади. Агар алимент олувчи муомалага лаёқатсиз бўлса, келишув унинг қонуний вакили билан тузилади.

Хизматни олиш учун зарур бўлган ҳўжжатлар рўйхати, нусхалари сони ва асл ҳужжатларни тақдим этиш зарурлиги кўрсатилган:

1. Фуқароларнинг шахси қуйидаги ҳужжатларга асосан аниқланади:
- Ўзбекистон фуқароларининг шахси — Ўзбекистон Республикаси фуқаросининг паспорти;
- 16 ёшга тўлмаган фуқароларнинг шахси — туғилганлик тўғрисидаги гувоҳнома;
- ҳарбий хизматчиларнинг шахси — ҳарбий қисмлар ва ҳарбий муассасалар қўмондонлиги томонидан бериладиган шахсий гувоҳномалар ёки ҳарбий билетлар (ҳарбий хизматга мажбур фуқароларнинг ҳарбий билети бундан мустасно);
- чет эл фуқароларининг шахси — уларнинг миллий паспорти (қонун ҳужжатларига мувофиқ чет эл фуқаролари тегишли ички ишлар органлари томонидан рўйхатга олиниши лозим) ёки Ўзбекистон Республикасида яшаш гувоҳномаси ёхуд дипломатик паспорти ёки Ўзбекистон Республикасида аккредитация - қилинганлигини тасдиқловчи аккредитация карточкаси;
- фуқаролиги бўлмаган шахс учун — Ўзбекистон Республикасида яшаш гувоҳномаси.
2. Томонларнинг алимент мажбуриятлари бўйича қариндошлигини тасдиқлович ҳужжат .
3. Даромад ва (ёки) бошқа даромад тасдиқловчи ҳужжатлар.
4. Кўчмас мулкка бўлган ҳуқуқни тасдиқловчи ҳужжат билан кадастр файли (кадастр паспорти) / Давлат йўл ҳаракати хавфсизлиги инспекциясининг транспорт воситасини рўйхатдан ўтказиш тўғрисидаги гувоҳномаси (рўйхатга олиш гувоҳномаси) (Келишув бўйича алимент тўлаш усули ва тартиби мол-мулк бериш ёки бошка усуллар билан амалга оширилган ҳолларда).

Нотариал ҳаракатни иштирокчилари:

  • Бир тарафдан:
  1. Алимент тўлайдиган шахс.
  • Бошқа тарафдан:
  1. Алимент олувчи ва (ёки) унинг қонуний вакили.
  2. Муомалага лаёқатсиз/муомала лаёқати чекланган/вояга етмаган шахслар битим иштироқчилари бўлса Васийлик ва ҳомийлик органларининг ходими.(зарур ҳолларда)

Изоҳ: Зарур бўлса, шартномада таржимон иштирок этиши мумкин.

Хизматни олиш нархи
Никоҳ шартномасини нотариал тасдиқлаш, уларга ўзгартиришлар киритиш ёки бекор қилиш давлат божи ундирилмайди.

Хизматни олиш муддати: 60 дақиқагача

Хизматни олишнинг якуний натижаси: Алимент тўлаш тўғрисида келишув

Бошқа шартлар ва талаблар:

Оила кодексининг 131-модда. Алимент тўлаш тўғрисидаги келишувнинг шакли

  • Алимент тўлаш тўғрисидаги келишув ёзма шаклда тузилиб, нотариал тартибда тасдиқланиши лозим.
  • Алимент тўлаш тўғрисида келишув тузишнинг қонунда белгиланган шаклига риоя қилмаслик, Ўзбекистон Республикаси Фуқаролик кодексида назарда тутилган оқибатларга олиб келади.
  • Нотариал тартибда тасдиқланган алимент тўлаш тўғрисидаги келишув ижро варақаси кучига эга бўлади.

133-модда. Алимент тўлаш тўғрисидаги келишувга биноан тўланадиган алиментлар миқдори

  • Алимент тўлаш тўғрисидаги келишувга биноан тўланадиган алиментларнинг миқдорини тарафлар шу келишувда белгилайдилар.
  • Вояга етмаган болаларга алимент тўлаш тўғрисидаги келишувга биноан тўланадиган алиментнинг миқдори алимент суд тартибида ундирилганда болалар олиши мумкин бўлган миқдордан кам бўлмаслиги керак.

Норматив ҳужжатлар

  1. Ўзбекистон Республикасининг Фуқаролик Кодекси.
  2. Ўзбекистон Республикасининг Оила кодекси.
  3. Ўзбекистон Республикасининг «Нотариат тўғрисида» Қонуни.
  4. Ўзбекистон Республикасининг «Давлат Божи Тўғрисида» Қонуни.
  5. Ўзбекистон Республикаси адлия вазирининг 2019 йил 4 январдаги 2-мҳ-сон  «Нотариуслар томонидан нотариал ҳаракатларни амалга ошириш тартиби тўғрисида йўриқномани тасдиқлаш ҳақида» Буйруғи.
  6. Ўзбекистон Республикаси адлия вазирининг 2020 йил 29 майдаги 112-мҳ-сон  «Нотариуслар томонидан амалга ошириладиган ҳуқуқий ва техник тусдаги қўшимча ҳаракатлар учун ундириладиган тўловларнинг максимал миқдорларини тасдиқлаш тўғрисида» Буйруғига илова.
Бўлимлар

Ўзбекистон Республикаси Конституцияси

Пенсия ва нафақалар

"Инсон" ижтимоий хизматлар марказлари

Оилавий муносабатлар

Ижтимоий ҳимоя хизматлари

Меҳнат муносабатлари

Ажрим ва алимент масалалари

Ишдаги муаммолар

Ногиронлиги бўлган шахсларга имтиёзлар

Таълим

Соғлиқни сақлаш

Суд-ҳуқуқ масалалари

Уй-жой, ер ва коммунал масалалари

Уй-жой ижара масалалари

Фуқаролик масалалари

Миграция

Вояга етмаганлар ҳуқуқлари

Гендер тенглик ва хотин-қизлар масалалари

Коррупцияга қарши курашиш

Ёшлар

Ватандошлар

Ҳуқуқни муҳофаза қилувчи органлар

Сиёсий партиялар ва сайлов

Умумий ҳарбий мажбурият

Солиқлар

Банк соҳаси ва суғурта

Истеъмолчи ҳуқуқи

Маҳалла

Транспорт

Чет элликларга эслатма

One ID ва ЯИДХП

Божхона масалалари

Давлат хизматлари

Интеллектуал мулк

Шаҳарсозлик масалалари

Тадбиркорлик

Нотариат

Юридик хизмат (ҳуқуқий ҳужжат намуналари)

Адвокат хизмати

Бепул ҳуқуқий ёрдам

Туризм

Оммавий ахборот воситалари

Экология

Абитуриентлар учун

Спорт

Ахборотлаштириш (турфа мавзулар)

Маълумотлар

Ҳайдовчилик ҳуқуқини олиш

IT соҳа юзасидан

ННТ фаолияти бўйича қонунчилик нормалари

Юридик луғат

Ишонч телефонлари

Ҳисоблагичлар (юридик калькуляторлар)

Автоҳуқуқ – Йўлдаги ҳуқуқ ва бошқа масалалар

Pro bono-Кўнгилли ҳуқуқшунос

Коммунал хизматлар
Chat