Ўзбекистон Ички ишлар вазирлиги аҳоли ва тизим ходимлари билан тезкор мулоқотни йўлга қўйиш мақсадида янги инструментни жорий қилди.

Махсус Telegram-бот — @iiv_shxbb_bot ишга туширилди. У орқали ИИВнинг Ўз хавфсизлик бош бошқармаси билан тўғридан-тўғри боғланиш имконияти мавжуд.

Бот орқали ички ишлар органлари ходимлари томонидан содир этилаётган коррупция ва товламачилик ҳолатлари, хизмат фаолиятидаги муаммолар ҳамда бошқа ноқонуний хатти-ҳаракатлар ҳақида хабар бериш мумкин.

Вазирликда таъкидланишича, ҳар бир мурожаат тезкорлик билан кўриб чиқилади ва мурожаат этувчининг махфийлиги кафолатланади.