Шавкат Мирзиёев пойтахтни ривожлантиришнинг янги моделига ўтиш режаларини маълум қилди.

Унга кўра, Тошкент шаҳридаги 12 та туманнинг ҳар бири алоҳида иқтисодий соҳага ихтисослаштирилади — гастрономия, туризм ва IT’дан тортиб логистика ва электротехникагача

16 апрель куни давлат раҳбари Тошкентда иқтисодий ўсиш суръатларини ошириш ва тадбиркорлар учун қулай шарт-шароитларни кенгайтириш масалаларига бағишланган йиғилиш ўтказди.

Янги ёндашув асосида жорий йилдан бошлаб пойтахт туманлари қуйидаги соҳалар бўйича ихтисослаштирилади:

• Бектемир тумани — кимё саноати ва улгуржи савдо;
• Мирзо Улуғбек тумани — кабель саноати, илм-фан, таълим ва IT;
• Мирабад тумани — озиқ-овқат саноати, туризм ва умумий овқатланиш;
• Учтепа тумани — заргарлик маҳсулотлари, маиший хизматлар ва чакана савдо;
• Чилонзор тумани — фармацевтика, савдо, хизмат кўрсатиш ва спорт;
• Шайхонтоҳур тумани — мебел ишлаб чиқариш ва гастрономик туризм;
• Юнусобод тумани — қоғоз саноати ва туризм;
• Яшнобод тумани — электротехника ва транспорт-логистика соҳаси;
• Яккасарой тумани — енгил саноат ва молиявий хизматлар;
• Янгихаёт тумани — автомобилсозлик ва логистика;
• Олмазор тумани — қурилиш материаллари ишлаб чиқариш ва таълим;
• Сергели тумани — металлургия, логистика ва автосервис.

Мазкур тизим орқали ҳар бир ҳудуднинг иқтисодий салоҳиятидан самарали фойдаланиш ва янги иш ўринларини яратиш мақсад қилинган.